'ఛలో హైదరాబాద్​ను విజయవంతం చేయండి'

ఈ నెల 13న నిర్వహించ తలపెట్టిన ఛలో హైదరాబాద్​ను విజయవంతం చేయాలని టీపీటీఎఫ్​ కార్యదర్శి మైస శ్రీనివాస్​ కోరారు. సీఎం కేసీఆర్​... ఇచ్చిన హామీలు అమలు చేయకుండా... కాలాయాపన చేస్తున్నారని ఆగ్రహం వ్యక్తం చేశారు.

రాష్ట్ర ప్రభుత్వ ఉద్యోగులు, ఉపాధ్యాయులు, పెన్షనర్లు, కాంట్రాక్ట్ ఉద్యోగులకు వెంటనే ఐఆర్ ఇచ్చి, పీఆర్సీని అమలు చేయాలంటూ ఈ నెల 13 న చేపట్టిన ఛలో హైదరాబాద్​ను విజయవంతం చేయాలని మహబూబాబాద్​లో టీపీటీఎఫ్​ రాష్ట్ర కార్యదర్శి మైస శ్రీనివాస్ విజ్ఞప్తి చేశారు. 2018 జూన్ 2 నుంచి ఐఆర్​, ఆగస్టు నుంచి పీఆర్​సీ ఇస్తానని హామీ ఇచ్చి ఇప్పటి వరకు అమలు చేయలేదని మండిపడ్డారు.

ఇదీ చూడండి:ఎస్​ బ్యాంక్​ వ్యవస్థాపకుడిపై 'మోసం, అవినీతి' కేసులు