మహబూబాబాద్‌ జిల్లా డోర్నకల్‌ రైల్వేజంక్షన్‌లో విషాదం చోటుచేసుకుంది. తాను సూచనలిచ్చే రైలే తనను చంపేస్తుందని ఆ ర్వైల్వే ఉద్యోగి ఊహించలేకపోయాడు. నరేందర్(30) డోర్నకల్‌ రైల్వేస్టేషన్లో పాయింట్స్‌మెన్‌గా పని చేస్తున్నాడు.
రోజూలాగే రాత్రి విధులు ముగించుకుని ఇంటికి వెళ్తున్న నరేందర్ను సికింద్రాబాద్‌ నుంచి కాకినాడకు వెళ్లే గౌతమి ఎక్స్‌ప్రెస్‌ ప్రమాదవశాత్తు ఢీకొట్టింది. ఈ ఘటనలో నరేందర్ అక్కడికక్కడే మృతిచెందాడు. నరేందర్కు భార్య, ఇద్దరు పిల్లలు ఉన్నారు. ప్రమాద వార్త విన్న కుటుంబసభ్యులు గుండెలవిసేలా రోధించారు. కేసు నమోదు చేసిన పోలీసులు దర్యాప్తు చేస్తున్నారు.
రైలు ఢీకొని ర్వైల్వే ఉద్యోగి మృతి...
