మాతా శిశు మరణాల రేటును తగ్గించి, చిన్న పిల్లలకు, గర్భిణీ స్త్రీలకు పౌష్టికాహారం అందించాలనే ఉద్దేశంతో కేంద్ర ప్రభుత్వం పోషణ్ అభియాన్ పథకాన్ని ప్రవేశపెట్టిందని మహబూబాబాద్ జిల్లా కలెక్టర్ శివలింగయ్య పేర్కొన్నారు. జిల్లా కేంద్రంలోని యశోద గార్డెన్లో మహిళా, శిశు సంక్షేమ శాఖ ఆధ్వర్యంలో ఏర్పాటు చేసిన పోషణ్ అభియాన్ కార్యక్రమాన్ని ఆయన ప్రారంభించారు. అనంతరం అంగన్వాడీ కార్యకర్తలు ఏర్పాటు చేసిన ఆహార పదార్థాల స్టాళ్లను పరిశీలించి, వాటిని రుచి చూశారు. పోషకాహార లోపం పిల్లల ఎదుగుదలపై ప్రభావం చూపిస్తుందని, దీనిపై గ్రామీణ ప్రాంతాల్లోని ప్రజలకు అవగాహన కల్పించి, పిల్లల ఎదుగుదలకు అంగన్వాడీ కార్యకర్తలు కృషి చేయాలని ఆయన సూచించారు. కార్యక్రమంలో శిశు సంక్షేమ శాఖ అధికారులు, అంగన్వాడీ కార్యకర్తలు తదితరులు పాల్గొన్నారు.
ఇదీ చూడండి:సీఎం కాన్వాయ్ని బైక్తో ఢీకొట్టిన యువకుడు
