మహబూబాబాద్ జిల్లా డోర్నకల్ నియోజకవర్గంలోని వాగులు నిండుకుండలా మారాయి. చిన్నగూడూరు మండలంలోని ఆకేరు, దంతాలపల్లి మండలంలోని పాలేరు, డోర్నకల్లోని మున్నేరు వాగులకు వరద నీరు పోటెత్తింది. ఎగువ నుంచి భారీగా వరద నీరు వస్తుండటం వల్ల వాగులు ఉద్ధృతంగా ప్రవహించి అలుగు పారుతున్నాయి.
వాగులపై నిర్మించిన చెక్ డ్యాంలు నిండుకుండలా మారి పొంగి పొర్లుతున్నాయి. గతంలో ఎన్నడూ లేనివిధంగా ఈ ఏడాది సమృద్ధిగా వర్షాలు కురవడం వల్ల రైతులు హర్షం వ్యక్తం చేస్తున్నారు.
- ఇదీ చూడండి : ఏపీలో భారీ వర్షాలు.. వేల ఎకరాల్లో నీటమునిగిన పంటలు
