మావోయిస్టు అగ్రనేత హరిభూషన్​ ఇంటికి పోలీసులు.. ఎందుకంటే?

మావోయిస్టు అగ్రనేత హరిభూషన్​ అలియాస్​ యాప నారాయణ ఇంటికి పోలీసులు వెళ్లారు. ఆయన తండ్రితో మాట్లాడారు. జనజీవన స్రవంతిలో కలవాలని కొడుక్కి చెప్పాలని సూచించారు.

మహబూబాబాద్ జిల్లా గంగారం మండలం మడగూడలో మావోయిస్టు అగ్రనాయకుడు హరిభూషన్ అలియాస్ యాప నారాయణ ఇంటికి పోలీసులు వెళ్లారు. ఆయన తండ్రికి పోలీసులు కౌన్సిలింగ్ నిర్వహించారు. హరిభూషన్​ను పోలీసుల ముందు లొంగిపోయి జనజీవన స్రవంతిలో కలవాలని పోలీసులు కోరారు. ఏఎస్పీ యోగేష్ గౌతమ్​తోపాటు మహబూబాబాద్ డీఎస్పీ నరేష్ ఈ కార్యక్రమంలో పాల్గొన్నారు. మడగూడ జంక్షన్​ వద్ద వాహనాల తనిఖీ చేపట్టారు. పరిసర ప్రాంతాలను పరిశీలించారు.

ఇవీ చూడండి: పేదోడి ఇంటి కలను నెరవేర్చే పనిలో సర్కారు