మహబూబాబాద్ జిల్లా కేసముద్రం మండలంలో రైతులకు పట్టాదారు పాసుపుస్తకాలను ఎమ్మెల్యే శంకర్ నాయక్ పంపిణీ చేశారు. అనంతరం లబ్ధిదారులకు కళ్యాణ లక్ష్మీ, షాదీ ముబారక్ చెక్కులను అందించారు. రైతుల సంక్షేమం కోసం ముఖ్యమంత్రి కేసీఆర్ అనేక పథకాలను అమలు చేస్తున్నారన్నారు.
రైతు బంధు, బీమా వంటి అనేక పథకాల అమలులో దేశానికే ఆదర్శంగా నిలుస్తున్నారని అన్నారు. గత ప్రభుత్వాలు రైతుల నుంచి డబ్బులు వసూలు చేశారని, కానీ మన ప్రభుత్వం పంట పెట్టుబడిని అందించి రైతు పక్షపాతిగా నిలిచిందన్నారు. ఈ కార్యక్రమంలో అధికారులు, తెరాస నాయకులు, కార్యకర్తలు పాల్గొన్నారు.
