కరోనాపై ఫేస్​బుక్​లో పోస్ట్.. వ్యక్తి అరెస్ట్

కరోనాపై తప్పుడు ప్రచారం చేస్తున్న వ్యక్తిని పోలీసులు అరెస్ట్ చేశారు. ఎవరైనా అసత్య ప్రచారం చేస్తే సహించేది లేదని డీఎస్పీ వెంకటరమణ హెచ్చరించారు.

తప్పుడు సమాచారం సృష్టించి ఫేస్​బుక్​లో పోస్టు చేసిన ఓ వ్యక్తిని పోలీసులు అరెస్ట్ చేశారు. మహబూబాబాద్ జిల్లా తొర్రూర్​ డీఎస్పీ వెంకటరమణ వివరాలు వెల్లడించారు. మహబూబాబాద్ జిల్లా నెల్లికుదురు పోలీస్ స్టేషన్ పరిధిలోని నరసింహులగూడేనికి చెందిన రాయరపు నాగరాజు కరోనాపై అసత్య ప్రచారం చేస్తున్నాడు. జిల్లాలో నాలుగు కరోనా కేసులు నమోదయ్యాయని, అందరూ జాగ్రత్తగా ఉండి లాక్​డౌన్​కు మద్దతు తెలపాలంటూ ఈ నెల 23న ఫేస్​బుక్​లో పోస్ట్ చేశాడు. ఈ అంశంపై ఈనెల 25న నెల్లికుదురు పోలీస్ స్టేషన్​లో కేసు నమోదైంది. విచారణ చేసిన పోలీసులు నాగరాజును అరెస్ట్ చేశారు.

ఇవీ చూడండి: ఆదిలాబాద్​ జిల్లాలో 105 మంది విద్యార్థుల అడ్డగింత