హరితహారంలో భాగంగా ఇంటింటికీ పండ్ల మొక్కల పంపిణీ

ఆరోవిడత హరితహారంలో భాగంగా మహబూబాబాద్​ జిల్లా తొర్రూరులో ఇంటింటికీ పండ్ల మొక్కలు పంపిణీ చేశారు. నాటిన ప్రతి మొక్కనూ సంరక్షించాలని సూచించారు.

మహబూబాబాద్ జిల్లా తొర్రూరు మున్సిపాలిటీ పరిధిలో హరితహారంలో భాగంగా ఇంటింటికీ పండ్ల మొక్కలను పంపిణీ చేశారు. 12వ వార్డులో కౌన్సిలర్ జినుగు సురేందర్​రెడ్డి ఆధ్వర్యంలో ఇంటింటికీ తిరుగుతూ మొక్కలను అందించారు.

ప్రతి ఒక్కరూ మొక్కలను నాటి వాటిని సంరక్షించాలని సూచించారు. కార్యక్రమంలో మున్సిపల్ ఛైర్మన్ రామచంద్రయ్య, కమిషనర్ గుండె బాబు, వైస్ ఛైర్మన్ సురేందర్​రెడ్డి తదితరులు పాల్గొన్నారు.