మోదీ జన్మదినం సందర్భంగా సేవా సప్తాహం

కాగజ్​నగర్​ పట్టణంలో ప్రధాని మోదీ జన్మదిన వేడుకలను ఘనంగా నిర్వహించారు. పట్టణంలోని పలు ఆసుపత్రుల్లో రోగులకు పండ్లను పంపిణీ చేశారు.

ప్రధాని నరేంద్రమోదీ 70వ జన్మదినాన్ని పురస్కరించుకుని కుమురంభీం ఆసిఫాబాద్​ జిల్లా కాగజ్​నగర్ పట్టణంలో భాజపా నాయకులు సేవా సప్తాహం కార్యక్రమం నిర్వహించారు. పట్టణంలోని పలు ఆసుపత్రుల్లో రోగులకు పండ్ల పంపిణి చేపట్టారు. నేటితరం నాయకులలో ప్రధాని మోదీ ఆదర్శప్రాయుడిగా నిలుస్తున్నారని భాజపా నేత కొత్తపల్లి శ్రీనివాస్​ కొనియాడారు.

నాలుగుసార్లు ముఖ్యమంత్రిగా, రెండు సార్లు ప్రధానమంత్రిగా కొనసాగుతూ మార్గదర్శకంగా నిలుస్తున్నారని అన్నారు. నరేంద్ర మోదీ నాయకత్వంలో భారతదేశం అభివృద్ధి పథంలో దూసుకుపోతోందన్నారు. మోదీ ఇలాంటి జన్మదిన వేడుకలు మరెన్నో జరుపుకోవాలని కోరుకుంటున్నట్లు తెలిపారు. ఈ కార్యక్రమంలో స్థానిక భాజపా నాయకులు పాల్గొన్నారు.

ఇవీ చూడండి: జీఎస్టీ చెల్లింపుల కోసం పార్లమెంట్​ ఎదుట తెరాస ఎంపీల ధర్నా