కొమురం భీం ఆసిఫాబాద్ జిల్లాలో ప్రభుత్వ ఆస్పత్రి సిబ్బంది నిర్లక్ష్యం ఓ ప్రాణాన్ని బలితీసుకొంది. పాటిబండ గ్రామపంచాయతీ వద్ద వాగు కాలనీలో 22 ఏళ్ల శంకర్కు పాము కాటేసింది. వెంటనే 108కి ఫోన్ చేస్తే డ్రైవర్ లేడని చెప్పారు. సొంత వాహనంపై జిల్లా కేంద్రంలోని ప్రభుత్వ ఆస్పత్రికి తీసుకెళ్లారు. కానీ అక్కడా డాక్టర్ లేడు. నర్సులు ప్రథమ చికిత్స అందించి.. మంచిర్యాలకు తీసుకువెళ్లమని సూచించారు. ప్రభుత్వ అంబులెన్సులో తరలించడానికి ప్రయత్నించగా.. డీజిల్ లేదని డ్రైవర్ తెలిపాడు. బాధితుని కుటుంబీకులే అంబులెన్స్లో డీజిల్ కొట్టించి మంచిర్యాలకు తీసుకెళ్తుండగా.. మార్గమధ్యలో ప్రాణాలు విడిచాడు.
ఈ ఘటనతో రహదారిపై మృతుడి కుటుంబీకులు, గ్రామస్థులు రాస్తారోకో చేశారు. ప్రభుత్వ ఆస్పత్రిలో చిన్న రోగాలకు కూడా.. మంచిర్యాలకు పంపిస్తున్నారని ఆరోపించారు. వెంటనే కొత్త వైద్యులను నియమించాలని డిమాండ్ చేశారు.
ఇవీ చూడండి: అమ్మాయి కోసం స్నేహితుల గొడవ..ఆత్మహత్య..!
