రాష్ట్రంలో 2లక్షల ఉద్యోగాలకు ప్రకటన విడుదల చేసి వెంటనే భర్తీ చేయాలని.. భాజపా యువ మోర్చా కొమురం భీం ఆసిఫాబాద్ జిల్లా అధ్యక్షుడు సుచిత్ డిమాండ్ చేశారు. సీఎం కేసీఆర్ ప్రకటించినట్లు రాష్ట్రంలో ఉన్న నిరుద్యోగులకు తక్షణం నిరుద్యోగ భృతి చెల్లించాలని పేర్కొన్నారు.
బీజేవైఎం ఆధ్వర్యంలో జిల్లా కేంద్రంలో అర్ధనగ్న ప్రదర్శన చేపట్టారు. కరోనా లాక్డౌన్ కారణంగా ప్రైవేటు ఉపాధ్యాయులకు 9నెలలుగా జీతాలు లేక తీవ్ర ఇబ్బందులకు గురవుతున్నారని అన్నారు. వారికి తక్షణమే 9 నెలల గౌరవ వేతనం ఇచ్చి ఆదుకోవాలని డిమాండ్ చేశారు. యువ మోర్చా నాయకులను పోలీసులు అరెస్టు చేసి పోలీస్ స్టేషన్కు తరలించారు.
ఇదీ చదవండి: సింగరేణి పుట్టినింట 15 మెగావాట్ల సోలార్ ప్లాంట్‌ ప్రారంభం
