ఆసిఫాబాద్ జిల్లాలో మిషన్ భగీరథ పైప్​లైన్ లీక్..

అసలే ఎండలు... దాహానికి అల్లాలాడిపోయే గ్రామాలు... ఇలాంటి పరిస్థితుల్లో కుమురంభీం జిల్లా కేంద్రంలోని మిషన్ భగీరథ పైపులైన్​ జాయింట్​ ఊడిపోయి నీరు వృధాగా పోతోంది. సిబ్బందికి చెప్పినా మరమ్మతులు చేయకుండా ఊరుకున్నారు.

కుమురం భీం ఆసిఫాబాద్ జిల్లా కేంద్రంలోని బీమానుగొంది గ్రామానికి చెందిన మిషన్ భగీరథ పైపులైన్ జాయింట్ ఊడిపోయింది. ఈ ఘటనతో నీరు అందక గ్రామస్థులు ఇబ్బంది పడుతున్నారు. నీరు వృథాగా పోతోందని అధికారులకు చెప్పినా... మరమ్మతులపై అధికారులు స్పందించడం లేదు.

మండలంలో తాగునీటికి కటకట ఒకవైపు తాగడానికి నీళ్లు లేక మండలంలోని పలు గిరిజన గ్రామాల ప్రజలు అల్లాడుతుంటే... భగీరథ సిబ్బంది మాత్రం నిర్లక్ష్యంగా ఉన్నారని స్థానికులు మండిపడుతున్నారు. ఇప్పటికైనా అధికారులు స్పందించి వెంటనే మరమ్మతులు చేయాలని కోరుతున్నారు.

ఇవీ చూడండి: అవసరానికి రాదు... అనవసరమైన వేళల్లో ఏడిపిస్తుంది