ఖమ్మం జిల్లా సింగరేణి మండలంలో పోడు భూముల సమస్యలను ప్రభుత్వం పరిష్కరించాలని కోరుతూ సీపీఐఎంఎల్ న్యూడెమోక్రసీ ఆధ్వర్యంలో నిరసన కార్యక్రమాలు చేశారు. తరతరాలుగా పోడు వ్యవసాయం చేసుకుంటున్న గిరిజనుల భూములను అటవీశాఖ అధికారులు లాక్కునే ప్రయత్నాలు చేస్తున్నారని ఆరోపించారు.
హరితహారం పేరిట అటవీ శాఖ అధికారులు వ్యవసాయం చేసుకోనియకుండా సమస్యలు సృష్టిస్తున్నారని ఆవేదన వ్యక్తం చేశారు. ఇప్పటికైనా అధికారులు దాడులను విడనాడాలని కోరారు. సీఎం కేసీఆర్ ఇచ్చిన హామీ మేరకు పోడు వ్యవసాయం చేసుకుంటున్న రైతులకు పట్టాలు ఇవ్వాలని డిమాండ్ చేశారు. ఈ సందర్భంగా డీఆర్వో ఎల్లయ్యకు నాయకులు వినతిపత్రం అందించారు.
