ఖమ్మం జిల్లాలో అక్రమంగా కొనసాగుతున్న ఇసుక దందాపై టాస్క్ఫోర్స్ అధికారులు దాడులు చేశారు. జిల్లాలోని వేంసూరు మండలం వెంకటాపురం, మర్లపాడు, కందుకూరులో అనుమతులు లేకుండా నిల్వ చేసిన ఇసుక డంప్లపై టాస్క్ఫోర్స్ అధికారులు దాడులు నిర్వహించని, సీజ్ చేశారు. దాదాపు రూ.11 లక్షల విలువ చేసే 550 టన్నుల ఇసుకను అధికారులు స్వాధీనం చేసుకున్నారు.
సీజ్ చేసిన ఇసుకను తహశీల్దార్ సూచన మేరకు ఆయా గ్రామాల వీఆర్వోలకు అప్పగించారు. అనుమతి లేకుండా ఇసుక డంప్లు నిర్వహిస్తున్న సతీష్, గంగాధర్ అనే ఇద్దరిని అదుపులోకి తీసుకున్నట్టు పోలీసులు తెలిపారు. ఖమ్మం జిల్లా సరిహద్దుల నుంచి ఆంధ్రప్రదేశ్ సరిహద్దుల్లో ఉన్న గ్రామాలకు ఇసుక తరలిస్తున్నట్టు అధికారులు గుర్తించారు. అక్రమంగా ఇసుక తరలిస్తున్న వారిపై కఠిన చర్యలు తీసుకుంటామని ఏసీపీ వెంకటరావు హెచ్చరించారు.
ఇవీ చూడండి: తెలంగాణపై కరోనా పంజా... నిన్న ఒక్కరోజే 169 కేసులు
