కార్పొరేటుకు దీటుగా..
ప్రభుత్వ ఉద్యోగం అంటే ఎక్కడ పనిచేసినా ప్రజల్లో గుర్తింపు పొందాలి అనే సంకల్పంతో ముందుకు సాగుతున్నారు ఈ వ్యాయామ శిక్షకుడు. సాధారణ క్రీడలైన కబడ్డీ, వాలీబాల్ లోనే కాకుండా పిల్లలకు తెలియని జూడో, కరాటే వంటి వాటిలో శిక్షణనిస్తూ వారు జాతీయ స్థాయిలో గుర్తింపు తెచ్చుకునేలా ప్రోత్సహిస్తున్నారు. పిల్లలను క్రమశిక్షణలో కార్పొరేటు పాఠశాలలకు దీటుగా తీర్చిదిద్దుతున్నారు.
పనిచేసే ప్రతిచోటా ప్రత్యేకతే..
జిల్లాలోని కూసుమంచి, కారేపల్లి, కొణిజర్లలో విధులు నిర్వహించిన శ్రీనివాస్ ఎక్కడ పనిచేసినా ప్రత్యేకత చాటుకున్నారు. ఉత్తమ ఉపాధ్యాయుడుగా కలెక్టర్లు, విద్యాశాఖాధికారుల నుంచి ప్రశంసలు అందుకున్నారు. గతేడాది అక్టోబర్లో స్వచ్ఛభారత్ కార్యక్రమంలో విద్యార్థులతో చేయించిన సాంస్కృతిక కార్యక్రమాలు అందరినీ ఆకట్టుకున్నాయి. ఇంధన పొదుపు, ప్లాస్టిక్ రహిత సమాజం, ఎయిడ్స్ నిర్మూలన వంటి వాటిపై పిల్లలతో అవగాహన కార్యక్రమాలు నిర్వహించి పెద్దలను చైతన్యవంతులను చేస్తున్నారు.
మౌలిక వసతుల కల్పనకు కృషి..
పాఠశాలలో దాతల సహకారంతో మౌలిక వసతుల కల్పనకు కృషి చేస్తున్నారు. ఆడపిల్లలు తమను తాము రక్షించుకునేలా తర్ఫీదునిస్తున్నారు. అంతర్జాతీయ దినోత్సవాలపై కార్యక్రమాలు నిర్వహిస్తూ ఆదర్శంగా నిలుస్తున్నారు.
ప్రభుత్వ పాఠశాలలో చదివే ప్రతి విద్యార్థి ఉన్నత శిఖరాలు అధిరోహించాలనేదే తన అభిమతమని చెబుతున్నాడు ఈ వ్యాయామ ఉపాధ్యాయుడు. సర్కారు కొలువంటే బాధ్యతలు తక్కువనే వారికి శ్రీనివాస్ ఉద్యోగ జీవితం ఆదర్శనీయం.
ఇదీ చూడండి :'ప్రధాని కిసాన్ సమ్మాన్' రెండో విడత నగదు బదిలీ
