పుట్టుకతోనే బిడ్డ ఊపిరి తీసుకోవడానికి ఇబ్బంది పడుతుంటే.. కన్న వాళ్లు తల్లడిల్లి పోయిన సంఘటన ఇది. ఖమ్మం జిల్లా రఘునాథపాలెం మండలం పాపటపల్లికి చెందిన సలీమ ఖమ్మం నగరంలోని ఓ ప్రైవేటు ఆసుపత్రిలో శనివారం మగబిడ్డకు జన్మనిచ్చింది. పుట్టుకతోనే ఆ శిశువుకు శ్వాస సమస్య ఏర్పడింది. ఊపిరి తీసుకోవడానికి ఇబ్బందులు పడుతున్న ఆ నవజాత శిశువును ఆదివారం వైద్య పరీక్షల కోసం ఆక్సిజన్‌ సౌకర్యం ఉన్న అంబులెన్సులో అదే నగరంలోని మరో ఆసుపత్రికి తీసుకెళ్లారు.
అంబులెన్సు దిగిన తరవాత.. సలీమ కుటుంబసభ్యులు ఆ శిశువును ఇలా ఆక్సిజన్‌ సిలిండర్‌తో సహా ఆసుపత్రిలోపలికి పట్టుకెళ్లడం చూపరుల మనసులనూ కదిలించింది.
