217 మంది లబ్ధిదారులకు పంట రుణం చెక్కుల పంపిణీ

ఖమ్మం జిల్లా గోపవరంలో ఎమ్మెల్యే రాములు నాయక్​ పంట రుణాల చెక్కులను అందజేశారు. 217 మంది లబ్ధిదారు రైతులకు రూ. కోటి విలువైన చెక్కులను ఆయన పంపిణీ చేశారు.

రైతు సంక్షేమమే ధ్యేయంగా తెలంగాణ ప్రభుత్వం వ్యవసాయానికి అండగా నిలుస్తోందని వైరా ఎమ్మెల్యే లావుడియా రాములు నాయక్​ పేర్కొన్నారు. ఖమ్మం జిల్లా కొణిజర్ల మండలం గోపవరంలో రైతులకు రూ. కోటి విలువైన పంట రుణాల చెక్కులను 217 మంది లబ్ధిదారులకు అందజేశారు. కార్యక్రమంలో ఎమ్మెల్యే రాములు నాయక్​తో పాటు డీసీసీబీ ఛైర్మన్​, రాష్ట్ర మార్క్​ఫెడ్​ వైస్​ ఛైర్మన్​ పాల్గొన్నారు.

ప్రత్యేక రాష్ట్రం ఏర్పడ్డాక ముఖ్యమంత్రి కేసీఆర్​ వ్యవసాయ రంగానికి పెద్దపీట వేస్తున్నారని ఎమ్మెల్యే తెలిపారు. సహకార సంఘాల ద్వారా వడ్డీలేని రుణాలను అందించి రైతులను ఆదుకుంటున్నారన్నారు. అన్నదాతలు పండించిన పంటలకు మార్క్​ఫెడ్​ ద్వారా కొనుగోలు చేసి గిట్టుబాటు ధర కల్పిస్తున్నారని ఎమ్మెల్యే వెల్లడించారు.

ఇదీ చదవండి : గొంతులో పల్లీ ఇరుక్కుని పదకొండు నెలల చిన్నారి మృతి