ఎమ్మెల్యేలు గో బ్యాక్..​

మణుగూరు వచ్చిన కాంగ్రెస్​ ఎమ్మెల్యేలు సీతక్క, పొదెం వీరయ్య, వనమా వెంకటేశ్వరరావులను రేగా కాంతారావు వర్గీయులు అడ్డుకున్నారు. ఎమ్మెల్యేలు గో బ్యాక్​ అంటూ ఆందోళన చేశారు. పార్టీ కార్యాలయం వద్ద ఉద్రిక్తత పెరిగిపోవటంతో పోలీసులు ఎమ్మెల్యేలను సింగరేణి అతిథి గృహానికి తరలించారు.

పినపాక కాంగ్రెస్​ కార్యకర్తలకు భరోసా కల్పించేందుకు మణుగూరు వచ్చిన ఎమ్మెల్యేలు సీతక్క, పొదెం వీరయ్య, వనమా వెంకటేశ్వర్​రావులను పార్టీ కార్యాలయానికి రాకుండా ఎమ్మెల్యే రేగా వర్గీయులు అడ్డుకున్నారు. పినపాక ఎమ్మెల్యే రేగా కాంతారావు తెరాసలో చేరుతున్నట్లు చేసిన ప్రకటన నేపథ్యంలో వారు ఇక్కడికి వచ్చారు. రేగా వర్గీయులు ఎమ్మెల్యేలు గో బ్యాక్​ అంటూ నినాదాలు చేస్తూ అడ్డుకోవటంతో పోలీసులు ముందస్తుగా ఎమ్మెల్యేలను సింగరేణి అతిథి గృహానికి తరలించారు.

పినపాక, ఆసిఫాబాద్​ ఎమ్మెల్యేలు రేగా కాంతారావు, ఆత్రం సక్కు తీరు అనైతికమని సీతక్క విమర్శించారు. కాంగ్రెస్​ పార్టీపై నిందలు వేసి తెరాస పార్టీకి వత్తాసు పలకడం మానుకోవాలని వనమా వెంకటేశ్వరరావు హితవు పలికారు. కాంగ్రెస్​ పార్టీకి కార్యకర్తలే అండ అని ఎమ్మెల్యేలు తెలిపారు.

ఇవీ చదవండి: 'అత్యవసర సమావేశం'