పెద్ద చెరువుకు పారుతోన్న అలుగు.. వీక్షిస్తున్న ప్రజలు

ఖమ్మం జిల్లాలోని మధిర పెద్ద చెరువుకు అలుగు పారుతోంది. భారీగా కురుస్తున్న వర్షాలకు ఎగువ ప్రాంతాల నుంచి వరద నీరు వచ్చి చేరుతోంది. దీంతో పెద్ద చెరువు నిండకుండలా మారి.. పెద్దలు, పిల్లలను ఆకర్షిస్తోంది. అలుగును వీక్షించడానికి భారీ సంఖ్యలో ప్రజలు వస్తున్నారు. అయితే చెరువు లోతట్టు ప్రాంతాల్లో ఉన్న కాలనీల్లోని ఇళ్ల చుట్టూ భారీగా వరద నీరు చేరింది.

ఖమ్మం జిల్లా మధిర పెద్ద చెరువు అలుగు ఉద్ధృతంగా పొంగిపొర్లుతోంది. విస్తారంగా కురుస్తున్న వర్షాలకు ఎగువ ప్రాంతాల నుంచి భారీగా వరద నీరు వచ్చి చెరువులోకి చేరడం వల్ల నిండుకుండలా తొణికిసలాడుతోంది.

అలుగు ప్రవాహం.. సమీపంలోని పొలాలను ముంచుతూ వైరా నదిలో కలుస్తోంది. పొంగిపొర్లుతున్న చెరువు అలుగును పెద్దలు, పిల్లలు, మహిళలు భారీ సంఖ్యలో వచ్చి తిలకిస్తున్నారు. చెరువు లోతట్టు ప్రాంతాల్లో ఉన్న శివారు కాలనీల్లోని ఇళ్ల చుట్టూ భారీగా వరద నీరు చేరింది.

ఇదీ చదవండి: జీహెచ్ఎంసీ చట్టసవరణ బిల్లుకు శాసనసభ ఆమోదం