రైల్వే ప్రైవేటీకరణపై వామపక్ష కార్మిక సంఘాల నిరసన

రైల్వేలను ప్రైవేటీకరించాలనే కేంద్ర ప్రభుత్వ ఆలోచనను వ్యతిరేకిస్తూ ఖమ్మం జిల్లా కారేపల్లిలోని రైల్వే స్టేషన్​ ఎదుట సీపీఎం, గిరిజన సంఘాల నాయకులు ధర్నా చేశారు. రైల్వేలలో ప్రైవేటీకరణ ప్రయత్నాలను విరమించుకోవాలని డిమాండ్ చేశారు.

రైల్వేలను ప్రైవేటీకరించాలనే ఆలోచనను కేంద్ర ప్రభుత్వం విరమించుకోవాలని సీపీఎం, గిరిజన సంఘాల నాయకులు డిమాండ్​ చేశారు. రైల్వేలను కార్పొరేట్​ సంస్థలకు అప్పజెప్పేందుకే కేంద్రం ఈ నిర్ణయం తీసుకుందని ఆరోపించారు. విదేశీ ప్రత్యక్ష పెట్టుబడులను వ్యతిరేకిస్తూ, రైల్వేల ప్రైవేటీకరణను నిరసిస్తూ ఖమ్మం జిల్లా కారేపల్లిలోని రైల్వే స్టేషన్​ ఎదుట సీపీఎం, గిరిజన సంఘాల నాయకులు ధర్నా చేశారు.

రైల్వే శాఖలో ఖాళీగా ఉన్న పోస్టులను భర్తీ చేయాలని... రైల్వేలలో ప్రైవేటీకరణ ప్రయత్నాలను విరమించుకోవాలని డిమాండ్ చేశారు. ఈ కార్యక్రమంలో సీపీఎం నాయకులు వీరభద్రం, నాగేశ్వరరావు, నరేంద్రతో పాటు గిరిజన సంఘాల నాయకులు పాల్గొన్నారు.


ఇవీ చూడండి: కరోనా కట్టడికి.. ఆ పట్టణంలో 10 రోజుల స్వచ్ఛంద లాక్​డౌన్​..