'కేసీఆర్​పై షర్మిల అనుచిత వ్యాఖ్యలు చేయడం సరైంది కాదు'

వైఎస్​ షర్మిల తెలంగాణపై ప్రేమ చూపటం విడ్డూరంగా ఉందని ఖమ్మం జిల్లా పరిషత్​ ఛైర్మన్​ లింగాల కమల్​రాజు ఎద్దేవా చేశారు. సీఎం కేసీఆర్​పై షర్మిల అనుచిత వ్యాఖ్యలు చేయటం సరైంది కాదని మండిపడ్డారు.

తెలంగాణ రాష్ట్రాన్ని సాధించిన సీఎం కేసీఆర్‌పై వైఎస్​ షర్మిల అనుచిత వ్యాఖ్యలు చేయటం సరైంది కాదని ఖమ్మం జిల్లా పరిషత్ ఛైర్మన్ లింగాల కమల్‌రాజు మండిపడ్డారు. ఖమ్మం జిల్లా కేంద్రంలోని తెరాస కార్యాలయంలో ఆయన మాట్లాడారు.

షర్మిల తెలంగాణపై ప్రేమ చూపటం విడ్డూరంగా ఉందని కమల్​రాజు ఎద్దేవా చేశారు. అన్న జగన్​ ఆంధ్రప్రదేశ్​ను, తాను తెలంగాణను ఏలాలని షర్మిల కలలు కంటోందని, ఆమె ఆశలు నేరవేరవని దుయ్యబట్టారు.