లాక్డౌన్ నేపథ్యంలో ఖమ్మం జిల్లా వైరాలో ఎమ్మెల్యే రాములు నాయక్ నిరుపేదలు, ఫోటోగ్రాఫర్‌లకు కూరగాయలు, సరుకులు పంపిణీ చేశారు. వైరా హనుమాన్ బజార్లో తెరాస నేత రాజశేఖర్‌ ఆధ్వర్యంలో చేపట్టిన కార్యక్రమంలో మార్క్ఫెడ్‌ వైస్‌ ఛైర్మన్‌ బొర్రా రాజశేఖర్‌, పురపాలక ఛైర్మన్‌ సూతకాని జైపాల్‌ సరుకులు అందించారు.
ఫోటో వీడియోగ్రాఫర్స్ ఆధ్వర్యంలో...
జిల్లా ఫోటో వీడియోగ్రాఫర్స్ అసోసియేషన్‌ ఆధ్వర్యంలో వైరాలోని సభ్యులకు బియ్యం, సరుకులు అందజేశారు. వీటిని సంఘం బాధ్యులు రాజారావు, శ్రీనివాసరావు, పమ్మి రాజు, చలపతిరావు అందజేశారు. కరోనా లాక్డౌన్ ఉపాధిలేక ఇబ్బందుల్లో ఉన్న ఫోటో గ్రాఫర్‌లను ప్రభుత్వం ఆదుకోవాలని కోరారు.
భాజపా ఆధ్వర్యంలో...
ఏన్కూరులో భాజపా మండల కమిటీ ఆధ్వర్యంలో కూలీలకు దుస్తులు, సరుకులు పింపిణీ చేశారు. పార్టీ జిల్లా నేతలు కొవ్వూరి నాగేశ్వరరావు, మండల అధ్యక్షుడు రమేశ్‌ తదితర నేతలు పాల్గొన్నారు.
