తొలిరోజు ఆరు కేంద్రాల్లో టీకా పంపిణీ: కలెక్టర్

ఖమ్మం జిల్లావ్యాప్తంగా రేపు 6 కేంద్రాల్లో టీకాలు వేసేందుకు ఏర్పాట్లు చేస్తున్నట్లు కలెక్టర్ ఆర్​వీ కర్ణన్ తెలిపారు. ప్రధాని ప్రసంగం అనంతరం టీకా పంపిణీ కార్యక్రమం చేపట్టనున్నట్లు వివరించారు. వైద్యారోగ్య శాఖ కార్యాలయంలో నిల్వ చేసిన టీకాలను ఆయన పరిశీలించారు.

ఖమ్మం జిల్లావ్యాప్తంగా 36 కేంద్రాల్లో కరోనా టీకా వేసేందుకు ఏర్పాట్లు చేస్తున్నట్లు కలెక్టర్‌ ఆర్​వీ కర్ణన్‌ తెలిపారు. శనివారం నాడు ప్రధాని ప్రసంగం అనంతరం జిల్లాలోని 6 కేంద్రాల్లో టీకాలు వేయనున్నట్లు చెప్పారు. జిల్లా వైద్యారోగ్య శాఖ కార్యాలయంలో నిల్వ చేసిన టీకాలను జడ్పీ ఛైర్మన్‌ లింగాల కమల్‌ రాజుతో ఆయన పరిశీలించారు. టీకా పంపిణీ ఏర్పాట్లపై సమీక్షించారు.

జిల్లా ప్రధాన ఆస్పత్రి, ముస్తాఫనగర్‌, వెంకటేశ్వరనగర్‌ ప్రాథమిక కేంద్రాలు, సత్తుపల్లి, మధిర, బోనకల్లు మండల కేంద్రాల్లో తొలిరోజు టీకాలు వేయనున్నట్లు తెలిపారు. కేంద్ర ప్రభుత్వం సూచించినట్లుగా ముందు వైద్యసిబ్బందికి టీకాలు వేస్తామన్నారు.

ఇదీ చదవండి: తొలిరోజు 3 లక్షల మంది ఆరోగ్య సిబ్బందికి టీకా