పోలీసు అమరవీరులకు శ్రద్ధాంజలి ఘటించిన కలెక్టర్

ఖమ్మం జిల్లా కేంద్రంలోని పోలీసు పరేడ్ మైదానంలో జరిగిన పోలీసు అమరవీరుల సంస్మరణ దినోత్సవంలో కలెక్టర్ ఆర్వీ కర్ణన్ పాల్గొని అమరవీరులకు నివాళులర్పించారు.

ఎల్లప్పుడూ జాగ్రత్తగా ఉండి దేశ అంతర్గత, అసాంఘిక శక్తులతో పోరాడుతున్న పోలీసుల త్యాగాలను ప్రతి ఒక్కరూ స్మరించుకోవాలని ఖమ్మం జిల్లా కలెక్టర్ ఆర్వీ కర్ణన్ అన్నారు. ఖమ్మం పోలీసు పరేడ్​ మైదానంలో సీపీ ఇక్బాల్ ఆధ్వర్యంలో జరిగిన పోలీసు అమరవీరుల సంస్మరణ దినోత్సవంలో ఆయన పాల్గొని అమరవీరులకు శ్రద్ధాంజలి ఘటించారు. పోలీసులు పెట్టిన పలు పరీక్షల్లో విజయం సాధించిన వారికి బహుమతులు అందజేశారు. కార్యక్రమంలో ఎమ్మెల్యేలు సండ్ర వెంకటవీరయ్య, రాములునాయక్​ తదితరులు పాల్గొన్నారు.

ఇదీ చదవండిః "శాంతిభద్రతల పరిరక్షణకు పోలీసుల సేవలు మరువలేనివి"