ఖమ్మం ప్రభుత్వాసుపత్రిలో వైద్యుల నిర్లక్ష్యం బయటపడింది. సాక్షాత్తు జాతీయ బాలల హక్కుల పరిరక్షణ కమిటీ సభ్యుడు ఉన్నతాధికారులతో సమీక్ష జరుపుతుండగానే ఈ విషాదం చోటు చేసుకుంది. కారేపల్లికి చెందిన కవిత మూడు రోజుల క్రితం కాన్పు కోసం మాతా శిశు ఆరోగ్య కేంద్రానికి వచ్చింది. నొప్పులు రాకపోయినా... వైద్యులు నార్మల్ డెలివరీ చేయడం వల్ల శిశువు మృతి చెందిందని బంధువులు ఆరోపిస్తున్నారు. శిశువు మృతదేహంతో జిల్లా పరిషత్ క్యార్యాలయానికి చేరుకొని... వైద్యుల నిర్లక్ష్యంతోనే ఇలా జరిగిందని జాతీయ కమిటీ సభ్యుడు ఆనంద్కు ఫిర్యాదు చేశారు. ఈ ఘటనపై గమగ్ర విచారణ జరపాలని ఆసుపత్రి సూపరింటెండెంట్ను ఆయన ఆదేశించారు.
వైద్యుల నిర్లక్ష్యం... పురిట్లోనే శిశువు మృతి
