దీన్​దయాల్​ ఆశయాలకు అనుగుణంగా పనిచేస్తున్నాం

పండిట్​ దీన్​దయాల్​ ఉపాధ్యాయ ఆశయాలకు అనుగుణంగా కేంద్ర ప్రభుత్వం పనిచేస్తోందని కరీంనగర్ ఎంపీ బండి సంజయ్​ తెలిపారు. జిల్లా కేంద్రంలో విద్యార్థులకు ఆయన పండ్లు పంపిణీ చేశారు.

పండిట్​ దీన్​దయాల్ ఉపాధ్యాయ త్యాగాలను స్మరించుకుని.. ప్రతి ఒక్క విద్యార్థి ఆయన అడుగుజాడల్లో నడవాలని ఎంపీ బండి సంజయ్​ సూచించారు. పండిట్​ దీన్​దయాల్ ఉపాధ్యాయ జయంతి సందర్భంగా కరీంనగర్​ జిల్లా కేంద్రంలో విద్యార్థులకు ఎంపీ పండ్లు పంపిణీ చేశారు. రేకుర్తిలోని ప్రభుత్వ అంధ, మూగ, చెవిటి ఆశ్రమ పాఠశాలను ఎంపీ సందర్శించారు. పండిట్​ దీన్​దయాల్​ ఆశయాలకు అనుగుణంగా కేంద్ర ప్రభుత్వం పనిచేస్తోందని తెలిపారు. పాఠశాల అభివృద్ధికి అవసరమైన నిధులను అందజేస్తానని ఆయన హామీ ఇచ్చారు. విద్యార్థులు తమ అంగవైకల్యాన్ని మర్చిపోయి సాధారణ విద్యార్థులతో పోటీ పడాలని ప్రోత్సహించారు.

ఇదీ చూడండి : మహా విషాదం: సైన్యంలో చేరాల్సిన 10మంది మృతి