కరీంనగర్ జిల్లా సైదాపూర్ మండలం సర్వాయిపేటలో సర్దార్ సర్వాయి పాపన్న 369వ జయంతి వేడుకలు ఘనంగా నిర్వహించారు. తెలంగాణ ఇంటి పార్టీ వ్యవస్థాపక అధ్యక్షులు చెరుకు సుధాకర్ ముఖ్యఅతిథిగా హాజరై... పాపన్న నివాస గుట్టలుగా ప్రసిద్ధి చెందిన గుట్టపై ఏర్పాటు చేసిన విగ్రహానికి నివాళులు అర్పించారు. పాపన్న పాలించిన స్థలంలో ఆయన జయంతి వేడుకల్లో పాల్గొనడం సంతోషంగా ఉందన్నారు. యువత పాపాన్న జీవితాన్ని ఆదర్శంగా తీసుకోవాలని సూచించారు. ఈ నెల 24న గోల్కొండలో నిర్వహించే పాపన్న జయంతి ముగింపు ఉత్సవాలకు అన్ని రాజకీయ పార్టీల నాయకులు హాజరవుతున్నట్లు గౌడ సంఘం ప్రతినిధులు తెలిపారు.
సర్వాయి పాపన్నను ఆదర్శంగా తీసుకోవాలి
ఇదీ చూడండి: కబ్జాకు గురైన భూమి కాపాడాలని ఏఐఎస్‌ఎఫ్‌ డిమాండ్‌
