చొప్పదండి మండలంలో పర్యటించిన బండి సంజయ్​

కరీంనగర్​ జిల్లా చొప్పదండి మండలంలోని పలు గ్రామాల్లో ఎంపీ బండి సంజయ్​ పర్యటించారు. ఆయా గ్రామాల్లో పలు అభివృద్ధి, సంక్షేమ కార్యక్రమాల్లో పాల్గొన్నారు.

కరీంనగర్ జిల్లా చొప్పదండి మండలం దేశాయిపేట, గుమ్లాపూర్ గ్రామాల్లో నిర్మాణం పూర్తి చేసుకున్న సీసీ రోడ్లను పార్లమెంట్ సభ్యుడు, భాజపా రాష్ట్ర అధ్యక్షుడు బండి సంజయ్ ప్రారంభించారు. ఈ సందర్భంగా రుక్మాపూర్ గ్రామంలో లబ్ధిదారులకు బీమా చెక్కులు అందజేశారు.

ఈ క్రమంలోనే మూడు గ్రామాల స్థానికులతో మాట్లాడి.. గ్రామాల్లో నెలకొన్న సమస్యలపై చర్చించారు. సమస్యల పరిష్కారానికి కృషి చేస్తానని హామీ ఇచ్చారు. కార్యక్రమంలో మాజీ ఎమ్మెల్యే బొడిగె శోభ, భాజపా జిల్లా అధ్యక్షుడు గొంగిడి కృష్ణారెడ్డి, ఆయా గ్రామాల యువత తదితరులు పాల్గొన్నారు.