ఆ జీవోను కేంద్రం వెంటనే రద్దు చేయాలి: జిల్లా వైద్యులు

ఆయుర్వేదంలో పీజీ చేసినవారిని కూడా ఆల్లోపతి చికిత్స చేసేందుకు వీలుగా కేంద్రం విడుదల చేసిన జీవోను కరీంనగర్ జిల్లా వైద్యులు వ్యతిరేకించారు. ఈ మేరకు ప్రభుత్వ నిర్ణయాన్ని వెంటనే వెనక్కి తీసుకోవాలని డిమాండ్​ చేశారు. ఈ మేరకు జిల్లా కేంద్రంలోని ఐఎంఏ భవనం ముందు నిరాహారదీక్ష చేపట్టారు.

అనుభవం లేని వారు శస్త్రచికిత్సలు చేస్తే రోగి ప్రాణాలకే ముప్పు వస్తుందని ఇండియన్​ మెడికల్​ అసోసియేషన్​ రాష్ట్ర ఉపాధ్యక్షురాలు డాక్టర్ విజయలక్మీ అన్నారు. ఆయుర్వేదంలో పీజీ చేసిన వారు కూడా ఆల్లోపతి చికిత్స చేసేందుకు వీలుగా కేంద్రం విడుదల చేసిన జీవోను ఆమె తీవ్రంగా వ్యతిరేకించారు. ఈ మేరకు కరీంనగర్​ జిల్లా కేంద్రంలోని ఐఎంఏ భవనం ముందు మహిళా వైద్యులతో కలిసి నిరాహారదీక్ష చేపట్టారు.

ఇతర విభాగాల్లో వైద్యవిద్యను అభ్యసించిన వారికి ఆల్లోపతి చికిత్స చేసేందుకు వీలుగా కేంద్రం విడుదల చేసిన జీవోను వెంటనే రద్దు చేయాలని ఐఎంఏ కరీంనగర్​ జిల్లా అధ్యక్షురాలు డాక్టర్ విజయలక్ష్మీ డిమాండ్​ చేశారు. ఈ కార్యక్రమంలో పలువురు జిల్లా వైద్యులు పాల్గొన్నారు.

ఇదీ చదవండి: ఘోర ప్రమాదంలో క్షేమంగా బయటపడిన చిన్నారి