సమస్యలుంటే నా దృష్టికి తీసుకురండి: శశాంక

చొప్పదండి పురపాలక ఎన్నికల్లో సమస్యలు ఉంటే నేరుగా తన దృష్టికి తీసుకురావాలని కరీంనగర్​ జిల్లా కలెక్టర్​ శశాంక తెలిపారు. మున్సిపాలిటీ ఎన్నికల ఏర్పాట్లను ఆయన పరిశీలించారు.

కరీంనగర్ జిల్లా చొప్పదండి పురపాలక ఎన్నికల ఏర్పాట్లను కలెక్టర్ శశాంక పరిశీలించారు. స్ట్రాంగ్ రూమ్, ఓట్ల లెక్కింపు కేంద్రాలను సందర్శించారు. పురపాలక సంఘం కార్యాలయంలో నామపత్రాల స్వీకరణ కేంద్రాన్ని తనిఖీ చేశారు. వార్డుల వారీగా నామపత్రాలు స్వీకరించాలని సిబ్బందిని ఆదేశించారు.

అభ్యర్థులు సాదాసీదాగా, పరిమిత సంఖ్యలో మద్దతుదారులతో వచ్చి నామ పత్రాలు దాఖలు చేయాలని కలెక్టర్​ సూచించారు. ఎన్నికల విధుల్లో ఉన్న సిబ్బంది అలసత్వం ప్రదర్శించొద్దన్నారు. ఎన్నికల ప్రక్రియ సజావుగా సాగేందుకు అందరూ సహకరించాలని ఆయన కోరారు. సమస్యలు ఉంటే నేరుగా తన దృష్టికి తీసుకురావాలని శశాంక స్పష్టం చేశారు.

ఇవీ చూడండి: నామినేషన్​ కేంద్రాల వద్ద సందడి వాతావరణం