కరోనా వార్డును పరిశీలించిన కలెక్టర్ శశాంక

కరోనా బాధితులకు చికిత్స చేసే క్రమంలో వైద్యులు అత్యంత జాగ్రత్తలు తీసుకోవాలని కరీంనగర్​ జిల్లా కలెక్టర్​ శశాంక సూచించారు. జిల్లా ఆసుపత్రిలో ఏర్పాటు చేసిన కరోనా వార్డును పరిశీలించారు.

కరీంనగర్​ జిల్లా ఆసుపత్రిలో ఏర్పాటు చేసిన కరోనా వార్డును కలెక్టర్​ శశాంక పరిశీలించారు. కరోనా నివారణకు తీసుకోవాల్సిన చర్యలపై ఆరోగ్య అధికారులతో సమీక్షించారు.

అనంతరం కరోనా వైరస్​ నిర్ధరించేందుకు ఏర్పాటు చేసిన బూత్​ను పరిశీలించారు. కరోనా బాధితులను పరీక్షించేటప్పుడు వైద్యులు జాగ్రత్తగా ఉండాలని సూచించారు. ఆసుపత్రిలో విస్తృతంగా పర్యటించిన కలెక్టర్, కరోనా అనుమానితులు, ఇతర రోగులు పరస్పరం ఎదురు పడకుండా తీసుకుంటున్న జాగ్రత్తలపై ఆరా తీశారు.