లైబ్రరీ నిర్మాణానికి జస్టిస్​ చల్లా కోదండరాం శంకుస్థాపన

కరీంనగర్​ జిల్లా కేంద్రంలో హైకోర్టు న్యాయమూర్తి జస్టిస్ చల్లా​ కోదండరాం పర్యటించారు. జిల్లా కోర్టు ఆవరణలో లైబ్రరీ నిర్మాణానికి ఆయన శంకుస్థాపన చేశారు.

కరీంనగర్ జిల్లా కోర్టు ఆవరణలో న్యాయవాదుల సంఘం భవన నిర్మాణంలో భాగంగా మొదటి అంతస్తులో లైబ్రరీ నిర్మాణానికి.. హైకోర్టు న్యాయమూర్తి జస్టిస్ చల్లా కోదండరాం శంకుస్థాపన చేశారు. న్యాయవాదులు ఆయనకు ఘన స్వాగతం పలికారు.

కొవిడ్​-19 సమయంలో జిల్లాలోని న్యాయవాదులు చేసిన సేవలను న్యాయమూర్తి కొనియాడారు. ఇదే స్ఫూర్తితో కొనసాగాలని వారికి సూచించారు. ఈ కార్యక్రమంలో జిల్లా కోర్టు న్యాయమూర్తి జస్టిస్​ ప్రియదర్శిని పాల్గొన్నారు.

ఇదీ చదవండి: కాసేపట్లో బడ్జెట్‌పై ముఖ్యమంత్రి కేసీఆర్ సమీక్ష