ఫిర్యాదు చేశాడని తోటి విద్యార్థిపై దాడి

ఇద్దరు స్నేహితుల మధ్య జరిగిన సంఘటన ఓ విద్యార్థి ప్రాణం మీదకు తెచ్చింది. తనపై ఫిర్యాదు చేశాడన్న కక్షతో నవీన్​ తోటి విద్యార్థి సాయిచరణ్​పై​ దాడికి పాల్పడిన ఘటన కరీంనగర్​లో జరిగింది. గాయాల పాలైన సాయిచరణ్​ను బంధువులు ఆస్పత్రికి తరలించారు.

కళాశాలలో చదివేటప్పుడు ఇద్దరు స్నేహితుల మధ్య జరిగిన సంఘటన ఓ విద్యార్థి ప్రాణం మీదకు తెచ్చింది. కరీంనగర్​ జిల్లా సాలేనగర్​లోని ఆల్ఫోర్స్​ కళాశాలలో సాయిచరణ్ అనే ఇంటర్​ విద్యార్థి వసతిగృహంలో ఉండి చదువుకునేవాడు. పరీక్షల అనంతరం తనపై ఫిర్యాదు చేశాడనే అక్కసుతో నవీన్​ అనే మరో విద్యార్థి సాయిచరణ్​పై ఇంటికి వెళ్లే దారిలో దాడికి పాల్పడ్డాడు. తీవ్ర గాయాలైన చరణ్​ను అక్కాబావలు ఆస్పత్రికి తరలించారు. పరిస్థితి విషమంగా ఉండటం వల్ల చరణ్​ను హైదరాబాద్​కు తరలించారు.

న్యాయం చేయాలి..

కళాశాలలో చదివేటప్పుడు నవీన్​ తరచూ ర్యాగింగ్​ చేసేవాడని దీనిపై కళాశాల యాజమాన్యానికి తెలియజేశామని బాధితుని అక్క తెలిపారు. ఘటనపై కొత్తపల్లి పోలీస్​స్టేషన్​లో ఫిర్యాదు చేశామని... దాడి చేసిన వారిని శిక్షించి తమకు న్యాయం చేయాలని డిమాండ్​ చేశారు.

ఇవీ చూడండి :షేవింగ్​ చేసి డబ్బు అడిగితే.. వేలు తెంపేశాడు