huzurabad by elections: 'ఎన్నికల ప్రవర్తనా నియమావళి'పై స్పష్టత ఇచ్చిన ఈసీ

కరీంనగర్​ జిల్లా హుజూరాబాద్​లో (huzurabad by elections 2021)ఉపఎన్నికల ప్రవర్తనా నియమావళిపై (Model Code of Conduct ) ఈసీ స్పష్టతనిచ్చింది. ఈ మేరకు రాష్ట్ర ఎన్నికల ప్రధానాధికారికి సమాచారం ఇచ్చింది. 2018 రాజస్థాన్​లోని ఓ నియోజకవర్గంలో ఉపఎన్నికల సందర్భంగా తీసుకున్న నిర్ణయమే.. హుజూరాబాద్​లోనూ అమలుకానుందని తెలిపింది.

హుజూరాబాద్​లో ఉపఎన్నిక నేపథ్యంలో ఎన్నికల ప్రవర్తనా నియమావళిపై (Model Code of Conduct ) భారత ఎన్నికల సంఘం (election commission of India)స్పష్టత నిచ్చింది. 2018లో రాజస్థాన్ రాష్ట్రంలోని ఓ ఉపఎన్నికల సందర్భంగా తీసుకున్న నిర్ణయమే హజూరాబాద్​లోనూ అమల్లో ఉంటుందని స్పష్టత నిచ్చింది.

ఏంటా నిర్ణయం..

వాస్తవానికి ఏదైనా నియోజకవర్గంలో ఎన్నిక జరిగితే ఆ జిల్లా మొత్తం ఎన్నికల ప్రవర్తనా నియమావళి వర్తిస్తుంది. అయితే 2018లో రాజస్థాన్​లోని దుడు శాసనసభ నియోజకవర్గంలో ఉపఎన్నిక జరిగినపుడు జైపూర్ జిల్లా మొత్తం ఎన్నికల ప్రవర్తనా నియమావళి అమల్లో ఉంటుందని తొలుత ఈసీ ప్రకటించింది. అయితే రాజస్థాన్​ రాజధాని కూడా అదే జిల్లా పరిధిలో ఉన్న నేపథ్యంలో సాధారణ పరిపాలనకు ఇబ్బంది అవుతోందని ఈసీకి విజ్ఞప్తులు అందాయి. దీంతో మున్సిపల్ కార్పొరేషన్ ఉంటే జిల్లా మొత్తం కాకుండా కేవలం ఉపఎన్నిక జరిగే నియోజకవర్గానికి మాత్రమే నియమావళి (Model Code of Conduct ) వర్తిస్తుందని.. ఈసీ స్పష్టతనిచ్చింది. అంటే ఈ నిర్ణయం ప్రకారం కేవలం హుజూరాబాద్​ నియోజకవర్గంలో మాత్రమే ఎన్నికల ప్రవర్తన నియామావళి అమల్లో ఉండనుంది. ఆ సమాచారాన్ని కేంద్ర ఎన్నికల సంఘం.. రాష్ట్ర ఎన్నికల ప్రధాన అధికారికి పంపింది.

ఇదీచూడండి: HUZURABAD BYPOLL: పార్టీ ఆదేశిస్తే హుజూరాబాద్​లో​ పోటీ చేస్తా: కాంగ్రెస్​ విద్యార్థి విభాగం అధ్యక్షుడు

హుజూరాబాద్ నియోజకవర్గం కరీంనగర్, హన్మకొండ జిల్లాల్లో విస్తరించి ఉంది. కరీంనగర్ జిల్లాలో కరీంనగర్ మున్సిపల్ కార్పొరేషన్, హన్మకొండ జిల్లాలో గ్రేటర్ వరంగల్ మున్సిపల్ కార్పొరేషన్ ఉంది. దీంతో కరీంనగర్, గ్రేటర్ వరంగల్ కార్పొరేషన్లు ఉన్నందున కేవలం హుజూరాబాద్ నియోజకవర్గానికి మాత్రమే ఎన్నికల ప్రవర్తనా నియమావళి అమలు కానుంది.

ఈనెల 30న పోలింగ్​..

హుజూరాబాద్​లో ఉపఎన్నిక నిర్వహణకు ఇవాళ నోటిఫికేషన్​ విడుదల అయింది. నామినేషన్ల స్వీకరణ ప్రక్రియ ఇవాళ ప్రారంభమైంది. ఈనెల 8 వరకు హుజూరాబాద్ ఆర్డీఓ కార్యాలయంలో నామినేషన్లు స్వీకరించనున్నారు. అక్టోబర్‌ 11న నామినేషన్ల పరిశీలనతో పాటు ఉపసంహరణకు ఈనెల 13 వరకు గడువు ఉంటుందని అధికారులు తెలిపారు. ఈనెల 30న పోలింగ్‌ జరగనుండగా... నవంబర్‌ 2న ఓట్లలెక్కింపు చేపట్టనున్నారు.

తెరాస, భాజపా విస్తృత ప్రచారం.. కాంగ్రెస్​ మాత్రం..

తెరాసను వీడి భాజపాలో చేరిన ఈటల రాజేందర్​.. విస్తృతంగా ప్రచారం చేస్తున్నారు. ఇప్పటికే పాదయాత్రతో పాటు ప్రజల దీవెనలు పొందేందుకు విస్తృతంగా పర్యటిస్తున్నారు. తెరాసపై విమర్శ బాణాలు ఎక్కు పెడుతూ ప్రచారం (Huzurabad By Election Campaign 2021)లో జోరు సాగిస్తున్నారు. ఈటలను ఢీ కొట్టేందుకు తెరాస అధిష్ఠానం అస్త్రశస్త్రాలను ప్రయోగిస్తోంది. మంత్రి హరీశ్‌రావు హుజూరాబాద్ (huzurabad by election 2021) బాధ్యతలను భుజానికెత్తుకున్నారు. కొన్ని నెలలుగా నియోజకవర్గంలోనే ఉంటూ పార్టీ అభ్యర్థి గెల్లు శ్రీనివాసయాదవ్​ విజయం కోసం కృషిచేస్తున్నారు. కాంగ్రెస్​ మాత్రం తన అభ్యర్థిని ఇంకా ఖరారుచేయలేదు.

ఇదీచూడండి: Huzurabad by election: హుజూరాబాద్‌ ఉపఎన్నికకు నామినేషన్ వేసిన గెల్లు శ్రీనివాస్ యాదవ్