కరీంనగర్​లో ప్రశాంతంగా ప్రాదేశిక ఓట్ల లెక్కింపు

కరీంనగర్​ జిల్లాలో ప్రాదేశిక ఎన్నికల ఓట్ల లెక్కింపు కొనసాగుతోంది. ఎంపీటీసీ ఓట్ల లెక్కింపు అనంతరం జడ్పీటీసీ ఓట్లను లెక్కించనున్నారు.

కరీంనగర్​ జిల్లా చొప్పదండి మండలం రుక్మాపూర్​ ఆదర్శ పాఠశాలలో ప్రాదేశిక ఎన్నికల లెక్కింపు ప్రారంభమైంది. జిల్లా రెవెన్యూ అధికారి బిక్ష నాయక్​ పర్యవేక్షణలో 1500 మంది సిబ్బంది బ్యాలెట్​ పత్రాల లెక్కింపులో నిమగ్నమయ్యారు. ముందుగా పోస్టల్​ బ్యాలెట్​లను లెక్కించారు. ఉదయం 10 గంటల నుంచి ఎంపీటీసీ స్థానాలకు బ్యాలెట్​ లెక్కింపు అనంతరం జడ్పీటీసీ ఓట్ల లెక్కింపును నిర్వహిస్తారు.