రామడుగు తహసీల్దార్ కార్యాలయంలో కరోనా కలకలం

రామడుగు తహసీల్దార్ కార్యాలయంలో ఓ అధికారికి కరోనా పాజిటివ్​ వచ్చింది. దీంతో అతనితో కలిసి పనిచేసిన ఉద్యోగులకు యాంటిజెన్​ పరీక్షలు నిర్వహించారు.

కరీంనగర్ జిల్లా రామడుగు తహసీల్దార్ కార్యాలయంలో ఓ అధికారికి కరోనా సోకడం వల్ల తోటి ఉద్యోగుల్లో వైరస్​ కలవరం మొదలైంది. శిక్షణలో ఉన్న ఆ అధికారి గత వారం రోజులుగా విధులు నిర్వర్తిస్తున్నారు. స్వల్ప అస్వస్థతగా ఉండటం వల్ల ఆయన వైద్య పరీక్షలు చేయించుకున్నారు. పాజిటివ్​గా రిపోర్ట్ వచ్చినందున ఆస్పత్రిలో చేరారు.

ఆ రెవెన్యూ కార్యాలయంలో వారం రోజులుగా విధులకు హాజరైన పది మంది ఉద్యోగులకు యాంటిజెన్​ పరీక్షలు నిర్వహించారు. అందరికి నెగెటివ్​గా రావడం వల్ల సిబ్బంది ఊపిరిపిల్చుకున్నారు.

ఇవీ చూడండి: రాష్ట్రంలో కొత్తగా 2,083 కరోనా పాజిటివ్​ కేసులు