అక్రమ లే అవుట్ల తీరుపై కలెక్టర్​కు ఫిర్యాదు

కరీంనగర్ జిల్లా బొమ్మకల్ గ్రామ పంచాయతీలో అక్రమ లే అవుట్ల అవకతవకలపై గ్రామపంచాయతీ అధికారులు విచారణ చేపట్టారు. గత కొన్ని సంవత్సరాలుగా పలువురు అక్రమాలకు పాల్పడుతున్నారని గ్రామస్థులు కలెక్టర్​కు ఫిర్యాదు చేశారు.

కరీంనగర్ జిల్లా బొమ్మకల్ గ్రామంలో అక్రమ లే అవుట్ల వల్ల గ్రామ పంచాయతీ నిధులకు కొరత ఏర్పడుతుందని గ్రామస్తులు కిరణ్, భరత్ జిల్లా కలెక్టర్​కు ఫిర్యాదు చేశారు. ఈ నేపథ్యంలో మండల పంచాయతీ అధికారికి, కలెక్టర్ విచారణ చేపట్టాలని ఆదేశాలు జారీ చేశారు.

ఎంపీఓ జగన్ మోహన్ రెడ్డి ఆధ్వర్యంలో గ్రామపంచాయతీలో విచారణ చేపట్టారు. ఈ సందర్భంగా ఏడుగురు పంచాయతీ కార్యదర్శులు విచారణలో పాల్గొన్నారు. పూర్తి నివేదికను 15 రోజుల్లో జిల్లా కలెక్టర్​కు అందజేయనున్నట్లు జగన్మోహన్ రెడ్డి తెలిపారు. విచారణలో కొన్ని నిజాలు బయట పడ్డాయని పేర్కొన్నారు.

ఇదీ చూడండి : ఇంజిన్​లో మంటలు ఎగిసిపడి బస్సు దగ్ధం