Complaint on MLC Kaushik Reddy in HRC: గవర్నర్ తమిళిసై సౌందరరాజన్పై వివాదాస్పద వ్యాఖ్యలు చేసిన ఎమ్మెల్సీ కౌశిక్ రెడ్డిపై చర్యలు తీసుకోవాలని రాష్ట్ర మానవ హక్కుల కమిషన్లో బీసీ రాజకీయ ఐకాస ఫిర్యాదు చేసింది. కౌశిక్ రెడ్డిపై క్రిమినల్ కేసు నమోదుకై డీజీపీకి ఆదేశాలివ్వాలని... ఐకాస ఛైర్మన్ రాచాల యుగేందర్గౌడ్ ఎస్‌హెచ్‌ఆర్సీని కోరారు.
ఎమ్మెల్సీని బర్తరఫ్ చేయాలి: అలాగే గవర్నర్ తమిళసై సౌందర్యరాజన్ను ఉద్దేశించి తీవ్ర పదజాలంతో... వివాదాస్పద వ్యాఖ్యలు చేసిన కౌశిక్రెడ్డిని బర్తరఫ్ చేయాలని రాచాల యుగేందర్గౌడ్ డిమాండ్ చేశారు. రాజ్యాంగ అత్యుత్తమ పదవిలో ఉన్న గవర్నర్ను మహిళా అని కూడా చూడకుండా కౌశిక్రెడ్డి అగౌరవ పరిచారని ధ్వజమెత్తారు. అతనిపై క్రిమినల్ కేసులు నమోదు చేసి కఠినంగా శిక్షించాలని ఫిర్యాదులో పేర్కొన్నారు. భవిష్యత్తులో ఇలాంటి వ్యాఖ్యలు మరల రిపీట్ కాకుండా ఉండాలంటే ఎమ్మెల్సీపై కఠిన చర్యలు తీసుకోవాలని మానవ హక్కుల కమిషన్ని ఐకాస ఛైర్మన్ విజ్ఞప్తి చేశారు.
గవర్నర్పై వివాదాస్పద వ్యాఖ్యలు : పాడి కౌశిక్ రెడ్డి బీఆర్ఎస్ పార్టీ ఎమ్మెల్సీగా బాధ్యతాయుతమైన పదవిలో ఉండి ఈ నెల 25న జమ్మికుంటలో నిర్వహించిన ఓ సమావేశంలో రాష్ట్ర ప్రథమ పౌరురాలు, గవర్నర్ తమిళిసై సౌందర రాజన్ను ఉద్దేశించి వివాదాస్పద వ్యాఖ్యలు చేశారు. అసెంబ్లీ, శాసనమండలి ఆమోదించిన బిల్లులను గవర్నర్ ఆమోదించకుండా ఇప్పటిదాకా తన సీటు కింద పెట్టుకొని కూర్చుంటారా అంటూ చేసిన వివాదాస్పద వ్యాఖ్యలు ఇప్పుడు తీవ్ర దుమారానికి దారి తీస్తున్నాయి. ఇలా ఓ మహిళా గవర్నర్ అని చూడకుండా మాట్లాడడం పట్ల విమర్శలు వెల్లువెత్తుతున్నాయి.
ఇవీ చదవండి:
