కామారెడ్డి జిల్లా బాన్సువాడ పట్టణంలో శాసన సభాపతి పోచారం శ్రీనివాస్రెడ్డి పర్యటించారు. స్థానిక ప్రజాప్రతినిధులు, అధికారులతో కలిసి పలు అభివృద్ధి పనులను పరిశీలించారు.
ముందుగా పట్టణంలోని నూతన పురపాలక భవనం స్థలం చుట్టూ నిర్మిస్తోన్న ప్రహరీ గోడను, పాత అంగడి బజారులో నిర్మిస్తోన్న నూతన చేపల మార్కెట్ పనులను పరిశీలించారు. త్వరితగతిన పనులను పూర్తి చేసి.. అందుబాటులోకి తీసుకురావాలని అధికారులను ఆదేశించారు. అనంతరం ఎర్రమన్ను కుచ్చ కాలనీలో నూతనంగా నిర్మించిన రెండు పడక గదుల ఇళ్లను పరిశీలించారు.
కార్యక్రమంలో ఉమ్మడి నిజామాబాద్ జిల్లా డీసీసీబీ ఛైర్మన్ పోచారం భాస్కర్ రెడ్డి, పురపాలక సంఘం ఛైర్మన్ జంగం గంగాధర్, ఎంపీపీ దొడ్ల నీరజా వెంకట్రామిరెడ్డి, జడ్పీటీసీ, మార్కెట్ కమిటీ ఛైర్మన్, తెరాస నాయకులు పోచారం సురేందర్ రెడ్డి, స్థానిక ప్రజాప్రతినిధులు, అధికారులు పాల్గొన్నారు.
