ఎమ్మెల్సీ కవిత జన్మదినాన్ని పురస్కరించుకుని.. ఆలయంలో వేడుకలు నిర్వహించడంపై కామారెడ్డి భాజపా జిల్లా అధ్యక్షురాలు అరుణతారా మండిపడ్డారు. కేక్ కోసి.. ఆలయ పవిత్రతకు భంగం కలిగించిన ఎమ్మెల్యే హన్మంత్ షిండే తక్షణమే క్షమాపణలు చెప్పాలని ఆమె డిమాండ్ చేశారు.
ఈ నెల 13న ఎమ్మెల్సీ జన్మదినం సందర్భంగా.. మద్నూర్ మండలం సలాబత్ పూర్ ఆంజనేయ స్వామి ఆలయంలో ఎమ్మెల్యే, తెరాస నేతలతో కలిసి వేడుకలను నిర్వహించారు. ఈ కార్యక్రమాన్ని అరుణతారా తీవ్రంగా ఖండించారు. పార్టీ శ్రేణులతో కలిసి ఆలయాన్ని శుద్ధి చేశారు. నిరసనగా.. వేద పండితులతో ప్రత్యేక పూజలు జరిపించారు.
ఇదీ చదవండి: ఏప్రిల్ 9న పార్టీ ప్రకటిస్తా: వైఎస్ షర్మిల
