Harishrao Comments on Opposition Parties : రాష్ట్ర ప్రతిష్ఠను దెబ్బతీసేలా ప్రతిపక్షాలు ప్రవర్తిస్తున్నాయని వైద్యారోగ్యశాఖ మంత్రి హరీశ్రావు మండిపడ్డారు. వారి విమర్శలను తిప్పికొట్టాలని ప్రజలకు, బీఆర్ఎస్ శ్రేణులకు పిలుపునిచ్చారు. అభివృద్ధి పథంలో దూసుకుపోతున్న తెలంగాణను బీజేపీ, కాంగ్రెస్‌లు వెనక్కి లాగేందుకు ప్రయత్నిస్తున్నాయని ఆరోపించారు. ఇక్కడ బీజేపీ పని అయిపోయిందని.. ఎన్నికల్లో ఆ పార్టీకి డిపాజిట్లు కూడా దక్కవని ఎద్దేవా చేశారు. కామారెడ్డి జిల్లాలో ఆయన ఈ వ్యాఖ్యలు చేశారు.
Harishrao Fires on Congress : ఈ క్రమంలోనే బీజేపీ నాయకులే పార్టీ మారేందుకు ఎదురుచూస్తున్నారంటూ హరీశ్రావు విమర్శించారు. కాంగ్రెస్ పాలన మైగ్రేషన్ అయితే.. బీఆర్ఎస్ పాలన ఇరిగేషన్ అని స్పష్టం చేశారు. మళ్లీ ఆ పాలన వస్తే.. ఇప్పుడున్న పథకాలన్ని ఆగిపోతాయని ఆరోపించారు. కాంగ్రెస్ సహా గత ప్రభుత్వాల పాలనలో అభివృద్ధి కుంటుపడిందని విమర్శించారు అంతకు ముందు ఎల్లారెడ్డిలో రూ.15 కోట్లతో నిర్మించనున్న 100 పడకల ఆసుపత్రి భవనానికి హరీశ్రావు భూమి పూజ చేశారు.ఈ క్రమంలోనే గండిమాసానిపేట్ గ్రామంలో నూతనంగా నిర్మించిన బస్తీ దవాఖానాను ఆయన ప్రారంభించారు. ఈ కార్యక్రమంలో ఎంపీ బీబీ పాటిల్, స్థానిక ఎమ్మెల్యే సురేందర్, తదితరులు పాల్గొన్నారు.
"రాష్ట్ర ప్రతిష్ఠను దెబ్బతీసేలా ప్రతిపక్షాలు ప్రవర్తిస్తున్నాయి. ప్రతిపక్షాల విమర్శలకు తిప్పికొట్టాలని ప్రజలకు, కార్యకర్తలకు పిలుపునిస్తున్నాను. అభివృద్ధి పథంలో దూసుకుపోతున్న రాష్ట్రాన్ని బీజేపీ, కాంగ్రెస్‌లు వెనక్కులాగేందుకు ప్రయత్నిస్తున్నాయి. రాష్ట్రంలో బీజేపీ పని అయిపోయింది. ఎన్నికల్లో ఆ పార్టీకి డిపాజిట్లు కూడా దక్కవు. మళ్లీ కాంగ్రెస్ పాలన వస్తే.. ఇప్పుడున్న పథకాలన్ని ఆగిపోతాయి." - హరీశ్రావు, వైద్యారోగ్యశాఖ మంత్రి
Harishrao Comments on Opposition Parties : శనివారం మహబూబ్నగర్ జిల్లాలో మంత్రి హరీశ్రావు పర్యటించారు. ఈ క్రమంలోనే ప్రతిపక్షాలపై తనదైన శైలిలో విమర్శలు గుప్పించారు. ప్రకృతి వైపరిత్యాల కంటే దారుణంగా.. రాష్ట్రంలో ప్రతిపక్షాలు తయారయ్యాయని ధ్వజమెత్తారు. వారి వైఖరి వల్ల రాష్ట్ర ప్రతిష్ఠ దెబ్బతింటోందని విమర్శించారు. కాంగ్రెస్కు 50చోట్ల అభ్యర్థులే లేరని.. కానీ ఆ పార్టీ నేతలు అధికారంలోకి వస్తామనే భ్రమల్లో ఉన్నారని వ్యంగాస్త్రాలు సంధించారు.
బీఆర్ఎస్ సర్కార్ ఎక్కడా ఫెయిల్‌ కాలేదు : రాష్ట్రంలో బీఆర్ఎస్ సర్కార్ ఎక్కడా ఫెయిల్‌ కాలేదని.. కాంగ్రెస్ పార్టీ ఫెయిల్‌ అయిందని హరీశ్రావు దుయ్యబట్టారు. తెలంగాణ ఆచరిస్తే, దేశం అనుసరించేలా కేసీఆర్ పాలన సాగుతుందని తెలిపారు. కానీ ప్రతిపక్షాలు కళ్లులేని కబోదుల్లా వ్యవహరిస్తున్నాయని మండిపడ్డారు. కాంగ్రెస్ సహా గత ప్రభుత్వాల పాలనలో.. పాలమూరు జిల్లాకు కరువు, వలసలు, ఆకలి చావులు తప్ప ఏమీ ఇవ్వలేదని విమర్శించారు. అలాంటి పాలన తిరిగి తీసుకొస్తామని.. హస్తం నేతలు చెబుతున్నారని ఆక్షేపించారు. బీఆర్ఎస్ ప్రభుత్వం ద్వారా లబ్ది పొందిన ప్రతిఒక్కరి నుంచి ఓట్లు అడుగుతామని, ఇక ప్రతిపక్షాలకు ఓట్లు ఎవరు వేస్తారన్నారు.
ఇవీ చదవండి : Harishrao fires on congress ప్రకృతి వైపరీత్యాల కంటే దారుణంగా మారిన ప్రతిపక్షాలు
