టైర్​ పేలి చెలరేగిన మంటలు... లారీ దగ్ధం

కామారెడ్డి శివారులో జాతీయ రహదారిపై టైర్​ పేలి మంటలు చెలరేగి లారీ పూర్తిగా దగ్ధమైంది.

కామారెడ్డి జిల్లా అడ్లూరు వద్ద 44వ జాతీయ రహదారిపై టైర్ పేలి మంటలు చెలరేగి లారీ దగ్ధమైంది. పంజాబ్ నుంచి హైదరాబాద్​కు ట్రాక్టర్ విడి విభాగాల లోడ్​తో లారీ వెళ్తుండగా ప్రమాదం చోటుచేసుకుంది. లారీ టైరు పేలడం వల్ల ఒక్కసారిగా మంటలు వ్యాపించి లారీ పూర్తిగా దగ్ధమైంది. ప్రమాదాన్ని గమనించిన డ్రైవర్ లారీని రోడ్డు పక్కన నిలపడం వల్ల ప్రాణపాయం తప్పింది. స్థానికుల సమాచారంతో అక్కడికి చేరుకున్న అగ్నిమాపక సిబ్బంది మంటలను అదుపు చేశారు.

ఇదీ చూడండి: అబ్దుల్లాపూర్​మెట్​లో లారీ బీభత్సం