వైద్యులు, పోలీసుల కాళ్లు కడిగి పూజలు

కరోనా కట్టడి కోసం వైద్యులు, పోలీసులు ఎంతగా శ్రమిస్తున్నారో ప్రత్యేకించి చెప్పాల్సిన అవసరం లేదు. వారి కృషిని అందరూ కొనియాడుతున్నారు. కామారెడ్డి జిల్లాకు చెందిన ఆ దంపతులు మాత్రం పోలీసులు, వైద్యులకు వినూత్నంగా కృతజ్ఞతలు తెలిపారు. వారి కాళ్లు కడిగి పూజ చేశారు.

కామారెడ్డి జిల్లా మద్నూర్​ డోంగ్లీ గ్రామానికి చెందిన జాదవ్​ అనిత-శివ దంపతులు వైద్యులు, పోలీసులకు కొత్త తరహాలో కృతజ్ఞతలు తెలిపారు. జిల్లాలోని మద్నూర్​ మండలం సలబత్ పూర్ సరిహద్దు చెక్​పోస్ట్ వద్ద విధులు నిర్వర్తిస్తున్న వైద్యులు, పోలీసుల కాళ్లు కడిగారు. కొబ్బరికాయ కొట్టి పూజ చేశారు. కరోనా నివారణకు నిరంతరం కృషి చేస్తున్న వైద్యులు, పోలీసులు, పారిశుద్ధ్య కార్మికులే మాకు దేవుళ్లని అనిత-శివ దంపతులన్నారు. అనంతరం అక్కడి అధికారులకు, సిబ్బందికి పండ్లు పంపిణీ చేశారు.

ఇదీ చదవండి: సీఎంకు పీసీసీ కోవిడ్-19 టాస్క్‌ఫోర్స్‌ కమిటీ లేఖ