జోగులాంబ గద్వాల జిల్లా అలంపూర్ పట్టణంలో బతుకమ్మ చీరల పంపిణీ కార్యక్రమం నిర్వహించారు. అలంపూర్ పురపాలికలో ఎమ్మార్వో కార్యాలయం వద్ద ఏర్పాటు చేసిన ఈ కార్యక్రమానికి ఎమ్మెల్యే అబ్రహం ముఖ్య అతిథిగా హాజరయ్యారు. మున్సిపల్ ఛైర్పర్సన్ మనోరమ, ఎంఆర్ఓ మదన్మోహన్తో కలిసి ఎమ్మెల్యే అబ్రహం బతుకమ్మ చీరలను పంపిణీ చేశారు.
పండుగ పూట రాష్ట్ర ఆడపడుచులంతా కొత్త చీరలు కట్టుకుని సంతోషంగా బతుకమ్మ జరుపుకోవాలని ఎమ్మెల్యే అబ్రహం అన్నారు. కరోనా కష్టకాలంలోనూ తెరాస సర్కార్ కోటి చీరలను తయారు చేయించిందని తెలిపారు. అలంపూర్ మండలంలో10వేల 248 చీరలు పంపిణీ చేయనున్నట్లు వెల్లడించారు. మహిళలంతా సమీపంలోని రేషన్ దుకాణాల్లో బతుకమ్మ చీరలు తీసుకోవాలని చెప్పారు.
