బస్తీ బాటలో భూపాలపల్లిలో ఎమ్మెల్యే

ఎమ్మెల్యే గండ్ర వెంకటరమణారెడ్డి బస్తీ బాట పట్టారు. భూపాలపల్లిలో పర్యటిస్తూ ప్రజల సమస్యలను అడిగి తెలుసుకున్నారు. త్వరలోనే వాటిని పరిష్కరిస్తామని హామీ ఇచ్చారు.

జయశంకర్ భూపాలపల్లి జిల్లాలోని కారల్ మార్క్స్ కాలనీలో ఎమ్మెల్యే గండ్ర వెంకటరమణా రెడ్డి పర్యటించారు. వీధుల్లో తిరిగి ప్రజల సమస్యలు అడిగి తెలుసుకున్నారు. ఎమ్మల్యేతో పాటు మున్సిపల్ కమిషనర్ సమ్మయ్య పర్యటిస్తూ పారిశుద్ధ్యం, ప్రజా సమస్యలు గురించి ప్రజలను అడిగారు.

కొన్ని సమస్యలు తమ దృష్టికి వచ్చాయని... వాటిని త్వరలోనే పరిష్కరిస్తామని ఎమ్మెల్యే హామీ ఇచ్చారు. వీలైనంత తొందరగా సమస్యలు పరిష్కరించడానికి కృషి చేయాలని అధికారులను ఆదేశించారు.

ఇవీ చూడండి: రాష్ట్రవ్యాప్తంగా డిపోల వద్ద ఉద్రిక్తత..