'ప్రతీ మహిళా ఒక పోలీసులా పని చేయాలి'

జయశంకర్​ భూపాలపల్లి జిల్లా అజాంనగర్​లో కలెక్టర్​ మహ్మద్​ అబ్దుల్​ అజీం గుడుంబా నిర్మూలనపై అవగాహన కార్యక్రమం నిర్వహించారు. గుడుంబా రహిత జిల్లాగా మార్చేందుకు మహిళలు నడుం బిగించాలని తెలిపారు.

గుడుంబా నిర్మూలనకు ప్రతి ఒక్క మహిళా పోలీసులా పని చేయాలని జయశంకర్​ భూపాలపల్లి జిల్లా కలెక్టర్ మహ్మద్ అబ్దుల్ అజీం పిలుపునిచ్చారు. భూపాలపల్లి మండలంలోని అజాంనగర్​​లో గుడుంబా నిర్మూలనపై అవగాహన కార్యక్రమం నిర్వహించారు. గుడుంబా మహమ్మారి బారినపడి అనేక పేద కుటుంబాలు రోడ్డున పడుతున్నాయన్నారు.

జిల్లాలో గుడుంబా వల్ల ప్రజలు ఎవరు మరణాలకు గురికాకుండా ఉండాలనే ఉద్దేశంతోనే ఈ కార్యక్రమం ప్రారంభించామని తెలిపారు. అధికార యంత్రాంగం తీసుకుంటున్న చర్యలకు మహిళలు పూర్తి మద్దతు ఇచ్చి గుడుంబా నియంత్రణకు నడుం బిగించాలని కలెక్టర్​ సూచించారు.

ఇదీ చదవండి: శంషాబాద్​ వైపు వెళ్లిన చిరుత.. కొనసాగుతున్న వేట