శాకంబరి అవతారంలో శ్రీ వాసవి కన్యకా పరమేశ్వరి

దసరా ఉత్సవాల్లో భాగంగా మెట్​పల్లిలోని శ్రీ వాసవి కన్యకా పరమేశ్వరి ఆలయంలో అమ్మ వారు శాకంబరి అవతారంలో భక్తులకు దర్శనమిచ్చారు.

దసరా నవరాత్రుల సందర్భంగా జగిత్యాల జిల్లా మెట్​పల్లిలో ఆర్యవైశ్య సంఘం ఆధ్వర్యంలో శరన్నవరాత్రులు అంగరంగ వైభవంగా సాగుతున్నాయి. పట్టణంలోని శ్రీ వాసవి కన్యకా పరమేశ్వరి ఆలయంలో వాసవి మాతకు ఆర్యవైశ్యులు నిత్య పూజలు విశేషంగా నిర్వహిస్తున్నారు. ఉత్సవాల్లో భాగంగా అమ్మవారిని కూరగాయలతో అలంకరించి శాకంబరి అవతారంలో కొలిచారు. ఈ వేడుకల్లో కోరుట్ల ఎమ్మెల్యే కల్వకుంట్ల విద్యాసాగర్ రావు సతీమణి సరోజన పాల్గొని ప్రత్యేక పూజలు చేశారు.