రాంపూర్​ రివర్స్​ పంపింగ్​ పనులను పరిశీలించిన కలెక్టర్​

కాళేశ్వరం ఎత్తిపోతల ప్రాజెక్టులో భాగంగా జగిత్యాల జిల్లా రాంపూర్​ వద్ద చేపడుతున్న నిర్మాణాలను కలెక్టర్​ శరత్​ పరిశీలించారు. పనుల తీరుపై సంతృప్తి వ్యక్తం చేశారు.

కాళేశ్వరం ఎత్తిపోతల పథకంలో భాగంగా జగిత్యాల జిల్లా మల్యాల మండలం రాంపూర్‌ వద్ద నిర్మిస్తున్న రివర్స్‌ పంపింగ్‌ పనులు తుది దశకు చేరాయి. మరో నాలుగు రోజుల్లో పనులు పూర్తి కానున్నాయి. నిర్మాణాలను కలెక్టర్​ డా. శరత్​ పరిశీలించారు. మొత్తం 8 మోటర్లకు ఇప్పటికే మూడింటిని డ్రై రన్​ నిర్వహించామని.. మరో మోటార్​ డ్రై రన్​కు సిద్ధంగా ఉందని తెలిపారు.

ప్రస్తుతం కాళేశ్వరం ప్రాజెక్టు నీరు ఎల్లంపల్లి వరకు చేరిన నేపథ్యంలో.. మిగతా ప్రాంతాల్లోనూ నీటిని ఎత్తిపోసే కార్యక్రమం పూర్తయితే లక్ష్మిపూర్​ వరద కాలువలోకి నీరు చేరనుంది. అక్కడ నుంచి రాంపూర్​ కాలువకు నీరు చేరుతుంది. రాంపూర్​లో ఎత్తిపోసిన నీరు రాజేశ్వర్​రావుపేటకు.. అక్కడ నుంచి జలాలను శ్రీరాంసాగర్​ ప్రాజెక్టు ఎత్తిపోయనున్నారు. సకాలంలో వరదకాలవలోకి నీరు చేరితే .. కాలువకు వెంట ఉన్న 60 చెరువులను మందుగా నింపుతామని కలెక్టర్​ తెలిపారు.

ఇవీ చూడండి: భూ నిర్వాసితుల గోడు వినండి: ఎమ్మెల్యే శ్రీధర్ బాబు