జగిత్యాల జిల్లా కొడిమ్యాల మండలం పూడుర్, గౌరాపూర్ గ్రామాల్లో కురిక్యాల రహదారి ప్రమాదంతో విషాదకరంగా మారింది. మృతుల కుటుంబసభ్యులను ఎమ్మెల్యే సుంకే రవిశంకర్ పరామర్శించారు. సమీప బంధువులైన మృతులు ఐదుగురు కరీంనగర్లో వైద్య పరీక్షలు పూర్తి చేసుకుని తిరిగి వెళ్తుండగా గంగాధర మండలం కురిక్యాల వద్ద టాటా ఏస్ను లారీ ఢీకొనడంతో మృతి చెందారు.
పూడూరు గ్రామానికి చెందిన గడ్డం అంజయ్య, గౌరాపుర్ గ్రామస్తులు మేక బానయ్య, అతని కుమారుడు మేక నరేష్, సోదరుడు మేక నర్సయ్య, సోదరుని కుమారుడు మేక బాబులు మృతి చెందారు. మృతులంతా ప్రయాణించిన టాటా ఏస్ వాహనం డ్రైవర్ గడ్డం అంజయ్య కూడా మేక బానయ్యకు మేనల్లుడు కావడం వల్ల బంధువుల రోదనలు మిన్నంటాయి.
కురిక్యాల ప్రమాద కుటుంబ సభ్యులను ఓదార్చిన ఎమ్మెల్యే
ఇదీ చూడండి : ఐదుగురు సర్పంచ్ల చెక్పవర్ రద్దు చేసిన కలెక్టర్
