జగిత్యాల జిల్లా ఇబ్రహీంపట్నం మండలంలో రోజురోజుకు కరోనా కేసులు పెరుగుతుండడంతో గ్రామపంచాయతీ పాలకవర్గం లాక్‌డౌన్ విధించింది. ఉదయం 6 గంటల నుంచి 11 గంటల వరకు మాత్రమే నిత్యావసర సరుకుల కోసం దుకాణాలు తెరిచి ఉంటాయని పేర్కొంది. మిగతా సమయాల్లో అన్నీ మూసేయాలని.. నిబంధనలు ఉల్లంఘిస్తే రూ.1,000 జరిమానా విధించాలని పాలక వర్గం నిర్ణయించింది. బాధితుల సంఖ్య పెరుగుతున్న నేపథ్యంలో ఈ మేరకు నిర్ణయం తీసుకున్నట్లు వెల్లడించింది.
కరోనా సోకిన ఇద్దరు వృద్ధుల్లో ఒకరు సోమవారం, మరొకరు మంగళవారం మృతి చెందారు. బయటకు రావాలంటేనే ప్రజలు జంకుతున్నారు. లాక్‌డౌన్ ప్రభావంతో రోడ్లన్నీ నిర్మానుష్యంగా కనిపించాయి.
ఇదీ చదవండి: వాటర్ బాటిల్ తెచ్చుకుంటానని చెప్పి భార్య పరార్.!
